Lagertagebuch Sola 23

Vortrupp Tag 1

Ds Leitigsteam und Kuchiteam sind scho hĂŒt am fritig uf da Platz ko und het agfanga ufbaua. đŸ•ïžâš’ïž

Vortrupp Tag 2

Am Samstig hemer dr Lagerplatz witer ufbaut mit allna nötiga Bauta.

Vortrupp Tag 3

Am dritta Vortrupp Tag simer no flissig am ufbaua und dia letsta Vorberitiga am macha, so dass miar mora mit da Kinder ins Sola starta könnt. đŸ˜„đŸ€©

Lagertag 1

HĂŒt hets Lager gstartet und Kinder sind alli akoh. Denn hemer alli Zelt und nötiga Lagerbauta ufgstellt und sind zemma ins Lagermotto Level-Up igstiga.

Lagertag 2

Am zweita Tag simer in der Wasserwelt ufgwacht und sind an See ganga. Am obig hemer no durch an Wasserparkour mĂŒassa go zum ds Level schaffa.

Lagertag 3

HĂŒt hemer ganz viel ĂŒber Körperbewusstsi glernt und der Zemmahalt als Jubla no meh gstĂ€rkt

💚💙

Lagertag 4

An dem Tag simer uf d Überlebensnacht. Dia grossa Kinder sind fast eimol um da ganzi Hallwilersee glofa und dia klinera sind uf Lenzburg. Miar hend alli unter freiem Himmel gschlofa.đŸš¶đŸ„ŸđŸ˜„

Lagertag 5

HĂŒt simmer zruckkoh vur Überlebensnacht und hend en freia Nomittag kah und am Obig hemer no biz Sport gmachtđŸš¶đŸ

Lagertag 6

Am morga hets an feina Brunch geh, denn am Nomittag hemer biz Sport gmacht und am Obig hemer no öpis ĂŒber Pioniartechnik glernt.đŸ€—

Lagertag 7

Am siebta Tag hemer sehr heisses Wetter kah, aber trotzdem cools Programm. Miar hend Sport gmacht und am Obig no Herzblatt. 💞

Lagertag 8

HĂŒt hemer an Tagesusflug an da See gmacht und nochher het dr Lenny sini Leitertaufi kah und isch jetzt neu im Leitigsteam! Am Obig hets no as Quiz geh.💙💚

Lagertag 9

Am nĂŒnta und zehnta Tag hemer z zweitĂ€giga Glendspiel kah. Leider isch z Wetter nit so passend gsi, aber miar hend trotzdem sehr viel Spass kah.đŸ™ƒđŸ€—

Lagertag 10

HĂŒt hemer ds Glendspiel no fertig gspielt und sind wieder zum Lagerplatz zruck glofa. Am Nomitag hemer Sport gmacht und am Obig hets no a Party geh.đŸ„łđŸŽ‰

Lagertag 11

An dem Tag hemer am Morga und Nomittag Sport gmacht und am Obig ds Lagergricht und als Abschluss no es grosses LagerfĂŒĂŒr.đŸ”„

Lagertag 12

Leider isch ds Lager scho wieder verbi :( Aber miar freuend ĂŒs jetzt scho uf nögscht JohrđŸ€—

Nochtrupp

Ds Leitigsteam und Kuchiteam het am Samstig und Sunntig no d Bauta abbaut und hend denn am Sunntigobig an Leiterznacht kah.😁