Lagertagebuch Sola 22

Vortrupp Tag 1

Am Fritig sind d Leiter:inna mit da MaterialbĂŒssli ins Sola gstartet & sind jetzt schu flissig am uslada & ufbauađŸ’ȘđŸœđŸ”šđŸ˜Ž
#sola #jubla #maschina

Vortrupp Tag 2

Am Samstig hemmer dr Lagerplatz witer ufbaut. Z grössta Projekt isch dabi d Kuchi gsi wo miar gstellt henđŸ€© Miar sind schu bald parat fĂŒr dr Lagerstart😎🏕đŸȘœ
#sola #kuchizelt #jungwachtblauring

Vortrupp Tag 3

Am letschta Ufbautag hend d Leiter:inna am Lagerplatz no dr letscht Schliff geh & d Irichtig fĂŒr d Kuchi & dr Leiterbereich bautđŸ€“
Morn gohts losđŸ€©
#sola #jubla #bĂŒatza
HĂŒt simmer am Morga vu Chur uf BonstĂ€tten gfahra vuwo den ĂŒsi Wanderig zum Lagerplatz gstartet isch. am Platz akoh hemmer den mit em Ufbau gstartet und hend d Zelter und vieles meh ufbaut. 🏕â›șNochema feina Znacht hets a klini sport Rundi geh mit aschlĂŒssender Zeremonie fĂŒrt Ufnahm ins Mayavolkâ˜˜ïžđŸƒđŸ˜

Lagertag 2

 HĂŒt ish dr Tag mim witerufbau vum Lagerplatz gstartet und het mit amana Fightgame geendet. T Kuchi het hĂŒt au vollgas geh und het am Mittag SpĂ€tzli und am Obig feini Gyros gmacht!😋â›șïžđŸƒ

Lagertag 3

HĂŒt am Morga hemmer passend zur Überlebigsnacht öpis zum Thema Kartakund glernt und hens denn au bi ĂŒserer Wanderig erfolgriich könna awenda.đŸŒ± Noch em Essa Bettla simmer denn au am Schlofplatz akoh womer zemma kocht hend und zemma unterem freia Himmel schlofa werden🌚â›ș

Lagertag 4

 HĂŒt morga hemmer ĂŒsi langi Wanderig z end brocht und sin denn erschöpft am Platz akoh wo denn z faina Kuchiessa uf ĂŒs gwartet het😋
Am Nomittag hemmer denn alli biz entspannt mit anara beauty oasa und am Obig hets denn no a kliises Strategie-GlĂ€ndspiil geh🍃â›ș

Lagertag 5

Lagertag5 HĂŒt hemmer en mega tolla Tag im Zoo in ZĂŒri kah wo miar mega viel verschiedeni Tiar gseh henđŸŠ„ AschlĂŒssend hemmer am Obig noch em faina Znacht no a klina Parkour gmachtâ›șïžđŸ˜

Ganz herzlich danka möchten miar an dera Stell am Rotary Club Chur-Herrschaft, wo ĂŒs dĂ€ Usflug in Zoo gsponsort het😊

Lagertag 6

Lagertag 6 HĂŒt hemmer am Morga hemmer imana Wahlattelier verschiedeni Sacha könna macha wia tanza oder kocha und am Nomittag hemmer den en Pioniarblock kah wo mr viel ĂŒber Seil, FĂŒĂŒr macha und meh glernt hend🏔â›șïžđŸ˜

Lagertag 7

Lagertag 7 HĂŒt het ĂŒsa Lagertag mit amana faina Brunch und mit usschlofa gstartetđŸŒ™đŸłđŸ„“ am Nomittag simmer denn am See gsi wo miar badet hen, Fuassball gspielt und au Volleyball. AschlĂŒssend nochem Z‘nacht hemmer ĂŒsa Tag mit amana Herzblatt beendet😁â›ș