Lagertagebuch Sola 19

Hier findet ihr von allen unseren Sommerlager-Tagen einen kleinen Einblick, vielleicht könnt ihr euch damit noch bis zum Rückblickabend trösten, wo es dann die restlichen Bilder vom Sola zu sehen gibt:)

(das Lagertagebuch findet ihr ausserdem auch bei uns auf Facebook & Instagram)

VORTRUPP TAG 1

D Leiter hen hüt Vollgas geh! Vor allem bim Ufbau vum Lager...aber au bim guati Figur fürs Foti macha🐻💪🏽📸 #sola #jubla #sooolääässig

VORTRUPP TAG 2

Hüt het dr Kuchiufbau gstartet, wia immer mit viel Diskussiona um d Innairichtig, dia muass halt guat plant si😌😁☝🏼 #jubla #sola #starkileiter

VORTRUPP TAG 3

D Kuchi stoht und miar sind parat fürs Lager🤩🎊🚴‍♂️ #jubla #sola #baldgohtslos

LAGER TAG 1

Endlich ischs au für d Kinder losganga! Mit üsna Kamel simmer uf da Platz gradlet womer denn üsi provisorisch Schlofstell us Blacha baut händ. Witer ganga ischs mit Gruppazemahalt stärka und Fahna mola. 🚲⛺️🧞‍♀️

#sola #jubla #zeltsindweg

LAGER TAG 2

Hüt isch üsa Lagerplatz mit a paar Bauta erwiteret worda und mr händ üsi Kamel wieder uf Vordermaa brocht. Zum Znacht hets dr legendär Burger ge und nachher hämmr no a Rundi am Füür gsunga. 🚲🔨🎶🔥 #sola #jubla #foodporn #jublasuchtdensuperstar

LAGER TAG 3

Am Morga hets es Fightspiel ge woma um d Turbän vo da Gruppa gfighted het. Kartakund und am See grilliara isch nachem Mittag z Programm gsi. 🧞‍♀️🔥 #jubla #sola #kanukriagt

LAGER TAG 4

Am Mittag sind di klina mitm Kamel losgfahra uf d Ü-Nacht. Wos langsam biz dunkel worda isch hämmer ama schöna Platz im Wald überem Füür kocht und sind denn no zu üsem Schlofplatz witer wo alli schnell und friedlich igschlofa sind. 🚲⛺️😴 #jubla #lager #regahosa

LAGER TAG 5

Nachdem alli wieder vo dr Ü-Nacht zruck ko sind hets en feina Zmittag ge und am Namittag hämmer verschidani Völki gspielt & Sacha zur 1. Hilf glernt. Am Obig hämmr d Kamel wieder igsammlet wo los gsi sind. 🚲🏐🐫 #sola #jubla #kamelsindlos

LAGER TAG 6

Am Morga simmer früa los uf Wiifelda und händ döt es Stadtgame gmacht. Aschlüssend ischs ind Badi ganga womer mega viel Spass gha händ (wia immer)! Am Obig hets am Füür Märlistund und Blackstories geh. Hoffentlich wird d Lampa vom Gini hüt Nacht wieder ganz!:) 🧞‍♀️⛵️📚 #jubla #sola #badespass

LAGER TAG 7

Am Morga hets en super Brunch ge. Spöter ischs mit ma Hilfsleiter-Sportblock witerganga. Vorem Znacht hets no a rundi "Wer bütet meh" mim Thema Wasser ge und nachm Znacht no as Wunsch-Rugby. 🧞‍♀️🏃🏻‍♂️🏃🏽‍♀️🏈 #sola #jubla #brunchdesjahres

LAGER TAG 8 & 9

Gester Morga ischs los ganga mitm Gländspiel. Bi da verschidana Spiel händ alli Vollgas ge und mitgholfa zum di Hiwis kaufa könna für da Schatz. In dr Nacht ischs denn sowit gsi dass di verschidana Guppa loszoga sind zum dr Schatz hola. Hüt Morga hets denn no en Endfight um da Schatz ge. Nachm Mittag hets denn wia immer d Beauty-Oasa ge zum wieder biz entspanna z könna. 📡⛺️🔥 #sola #jubla #bändelfight

LAGER TAG 10

Hüt hets zerst en Präventionsblock zum Gruppazemahalt ge mit Theater. Nach Pizza am Mittag ischs witerganga mit blinda Ballspiel und am Abig hämmer dr Geburtstag vom Gini gfirt. Ganz am Schluss sind auno di neua Leiter tauft worda. ⛺️🙈🍕 #jubla #sola #leitertaufi

LAGER TAG 11

En Fightblock mit verschidana Spiel hets am Morga ge. Nachm Zmittag sind miar denn mit da Kamel an See gfahra. Zum Znacht hets wia immer am letschta Obig Fajitas ge und d Leiter händ für eimal zerst döffa go Essa hola. Dr Abschluss vom Lager het z Lagergricht und z aschlüssenda Lagerfüür bildet. Müad aber glücklich schlofend alli z letschta Mol ufem Platz unter freiem Himmel. 🐫🧞‍♀️🔥🌌 #sola #jubla #zehnundeinenacht

LAGER TAG 12

Am Morga hämmer d Kinderzelt abbaut und no a Spiel gspielt. Denn hets a Abschiedsrundi ge und miar händ üs uf da Haiweg gmacht. D Leiter sind etz immer no ufem Platz und tüand abbaua.

Es sind super 10 + 1 Nächt gsi und miar freuend üs etza scho ufs nögsta Sola. ⛺️🧞‍♀️😍 #sola #jubla #vorfreud #müadaberglücklich