Lagertagebuch Sola 23

Vortrupp Tag 1

Ds Leitigsteam und Kuchiteam sind scho hüt am fritig uf da Platz ko und het agfanga ufbaua. 🏕️⚒️

Vortrupp Tag 2

Am Samstig hemer dr Lagerplatz witer ufbaut mit allna nötiga Bauta.

Vortrupp Tag 3

Am dritta Vortrupp Tag simer no flissig am ufbaua und dia letsta Vorberitiga am macha, so dass miar mora mit da Kinder ins Sola starta könnt. 😄🤩

Lagertag 1

Hüt hets Lager gstartet und Kinder sind alli akoh. Denn hemer alli Zelt und nötiga Lagerbauta ufgstellt und sind zemma ins Lagermotto Level-Up igstiga.

Lagertag 2

Am zweita Tag simer in der Wasserwelt ufgwacht und sind an See ganga. Am obig hemer no durch an Wasserparkour müassa go zum ds Level schaffa.

Lagertag 3

Hüt hemer ganz viel über Körperbewusstsi glernt und der Zemmahalt als Jubla no meh gstärkt

💚💙

Lagertag 4

An dem Tag simer uf d Überlebensnacht. Dia grossa Kinder sind fast eimol um da ganzi Hallwilersee glofa und dia klinera sind uf Lenzburg. Miar hend alli unter freiem Himmel gschlofa.🚶🥾😄

Lagertag 5

Hüt simmer zruckkoh vur Überlebensnacht und hend en freia Nomittag kah und am Obig hemer no biz Sport gmacht🚶🏐

Lagertag 6

Am morga hets an feina Brunch geh, denn am Nomittag hemer biz Sport gmacht und am Obig hemer no öpis über Pioniartechnik glernt.🤗

Lagertag 7

Am siebta Tag hemer sehr heisses Wetter kah, aber trotzdem cools Programm. Miar hend Sport gmacht und am Obig no Herzblatt. 💞

Lagertag 8

Hüt hemer an Tagesusflug an da See gmacht und nochher het dr Lenny sini Leitertaufi kah und isch jetzt neu im Leitigsteam! Am Obig hets no as Quiz geh.💙💚

Lagertag 9

Am nünta und zehnta Tag hemer z zweitägiga Glendspiel kah. Leider isch z Wetter nit so passend gsi, aber miar hend trotzdem sehr viel Spass kah.🙃🤗

Lagertag 10

Hüt hemer ds Glendspiel no fertig gspielt und sind wieder zum Lagerplatz zruck glofa. Am Nomitag hemer Sport gmacht und am Obig hets no a Party geh.🥳🎉